Portada » Blog » ardora

Etiqueta: ardora

Mulheres contra o cárcere. Reflexos, vivências e luitas.

Mulheres contra o cárcere. Reflexos, vivências e luitas.

O próximo dia 16 de maio, quarta-feira, no CSA do Sar contaremos com o grupo anti-carcerário Les trois passants (Toulouse) que às 19:00h apresentaram o documentário «Nos robaron las noches» e despois terá lugar um encontro e debate com Pastora do coletivo Familias frente a la crueldad carcelaria e Les trois passants ,realizadoras do documentário. Para rematar a jornada faramos um ceador pra intentar cubrir os gastos.

Aqui vai descriçom do documentário e da atividade:

Com o passo do tempo, quem nos solidarizamos com as nossas colegas presas, aprendemos e continuamos a aprender no caminho, e neste, observamos a incessante luita, resistência e trabalho que as mulheres (dentro e fora dos cárceres) realizam, nom só como tecedoras de memória e contra o esquecimento, senom como portadoras de umha luita incessante contra o encerramento, o cárcere, o sistema penitenciário e jurídico. Porém, inclusive nos meios contestatários pouco se diz sobre elas, pouco sabemos delas, pouco se escuta.

É por esta razom, que nesta ocasiom, longe de fabricar umha visom de inocência e vitimismo, queremos fazer um eco e abrir um espaço para a palavra das maes, irmás, parceiras, mulheres solidárias, filhas e ex-presas que enfrentam o sistema penitenciário, o encerramento dos seus seres queridos, o distanciamento, o desprezo, a humilhaçom, o maltrato e a tortura sexual, o assinalamento, a estigmatizaçom e a hipotética justiça.

É através deste documentário que queremos escutar as suas vozes e reflexons, que queremos abordar estas preocupaçons que rodeiam o cárcere dentro e fora dos muros, mas principalmente permitir intercâmbios, tecer laços e encontrar caminhos, espaços e açons pela liberdade.

Com a finalidade de trocar e compartilhar reflexons, depois de que se apresente este documentário teremos um debate entre pessoas do coletivo Les trois passants (Toulouse) e Pastora, do coletivo Familias frente a la crueldad carcelaria.”

Vemo-nos ali!

Ardora nº3

DISPONÍVEL

Preço: 3´5€

Para conseguir algum ejemplar ou para distribuiçom contactar a través de: ardora@bastardi.net.

Também podedes subscrever a revista e recebê-la na casa: subcriçom básica: 18€ (6 números)  + 6 € de gastos de envio. A intençom das subscriçons é dar estabilidade ao projeto, também som bem-vindas aportaçons solidárias.

 

Índice de conteúdos:

Vozes

· O inesperado

· Anáise crítico do 8 de Marzo, día da muller traballadora

Alem

· Luitando baixo o estado de emergência

Cinema

· Cinema de ficción anarquista durante a guerra civil

Ferramentas

· Contrato(do)

O fio negro da história

· Manoel Antonio: trala pegada dunha nova coordenada (Epifanias libertarias vol.2.3)

Chora et labora

· «Passei os melhores anos da minha vida num supermercado»

Banda desenhada

· Nestor Makhno

Ardora (s)ediçons anarquistas apresenta

O dia 30 de abril às 18:00 temos a satisfaçom de apresentar um projeto no que levamos a trabalhar uns meses.
ARDORA (S)EDIÇONS ANARQUISTAS envolve umha revista e umha editora, e canda nós estarám as compas de Airmandade Da Costa apresentando tambem o seu meio de informaçom.

As 19:00 contaremos coa apresentaçom do livro ‘El sabor de la sangre en la boca: Revolucionarios, anarquistas, rebeldes y nihilistas en la Rusia del s.XIX’ (Editorial DESCONTROL).

Às 21:30 teremos ceia para prepararmo-nos para os concertos de:
– STYLO BASTARDO (HI HOPUNKI/DENDE A SALA IAGO)
– RAMERAS (PUNK PUTO/COMPOS)

Nordés, novo periódico anarquista galego

Fruto da colaboraçom entre os projetos A irmandade da costa e Ardora (s)ediçons anarquistas, nasce este periódico de caráter mensal coa ideia de difundir nas ruas informaçom crítica em papel. De momento vai constar dum A3 a dobre cara no que iremos plasmando artigos de opiniom, noticías de atualidade e umha secçom com informaçom sobre livros, revistas ou documentos de interesse. A través da nova secçom Nordés iremos engadindo os números cada mes.

Animamos a imprimir e difundir este pequeno jornal. Nos seguintes enlaces podedes descarrega-lo em cor ou em branco e negro:

· Nordés nº1 em cor

· Nordés nº1 em branco e negro.