Autor: ardora

Jornada sobre saúde mental em Caroi

Este sábado dia 30 pola manhá estaremos em Caroi participando desta jornada sobre saúde mental.
Por outra banda, achega-se a data do sorteio solidário com as encausadas da insumisa. Nom quedes sem a tua rifa!

 

Info da atividade por parte da casa de Rousmeri:

Mais outra xornada de cultura livre e radikal na de rousmeri! 

No vindeiro sábado 30, do espazo entre lúas que chaman abril, verémonos no galpón social pra aprender, falar e coñecernos entorno a unha das maiores pandemias do noso tempo: a saude mental.

Pra comezar, falaremos do texto “BEYOND AMNESTY” xunto a compas do colectivo Polaris que fixo a traducción do mesmo ao galego.

Da man da editora Ardora coñeceremos este proxecto e un dos títulos que promoven, onde estará un dos autores presentando:

LA LOCURA REV/BELADA. NARRATIVAS, EXPERIENCIAS Y SABERES ENCARNADOS.
Autoría: Miguel Salas Soneira; Asun Pié Balaguer; M. Carmen Morán de Castro

Pra rematar esta mañá saudabel  e revoltosa antes do xantar, bailaremos uns pasodobres mutantes coas compis de Zurraspa, pop ou punk romántico dende Petelos, terra de moas e mamoas.

 Este evento será libre de alcol, por un ocio alternativo e combativo!

Este é o libro: https://www.localcambalache.org/?page_id=38&id_libro=16457

Esta a banda: https://zurraspa.bandcamp.com/releases

E este o fanzine: https://distripolaris.noblogs.org/files/2022/04/Beyond-Amnesty-version-final-corregida.pdf

 

Para chegar a de rousmeri, ao carom do campo da chaira em Caroi, nesta direçom:

https://maps.app.goo.gl/dzBwSpvuy1s3xVP1A

Rifas solidárias com as encausadas do cso a insumisa

Primeiro, agradecer a todas as pessoas que decidirom participar desta iniciativa,  entre todas armamos tecido e sostem para as companheiras encausadas e para nós mesmas.
Despois de valorar esta semana, decidimos adequar as perspetivas e ampliar o prazo de venda, adiamos o sorteio um mês, até o 1de junho.
O número ganhador será publicado a través da web ao longo do dia.

 

Para dar apoio económico as encausadas sairom a venda estas rifas que se podem atopar nos seguintes lugares (iremos atualiçando):

A Corunha: O Reventón, La Campana, El siglo, Fiandón, Acéfala.

Compostela: CS A Gentalha do pichel, CSA de Sar, Casa Obreira.

A Guarda: CS O Fuscalho

Lugo: A Hedreira: rua catasol 17, 27002.

Terra de montes: A de Rousmeri, em Caroi. (só quando há atividades).

 

Em total há 7 pessoas às que pidem 30 anos de prisom e 25000€

O próximo 1 de junho publicaremos o número ganhador. 

Sorteara-se umha cesta com muitos produtos artesanais e livros.

Que nom nos roubem a capacidade de sonhar
Como centro social okupado e autogerido, na Insumisa trabalhou-se para criar espaços culturais, formativos e de ócio; horizontais, livres, gratuitos e abertos.

Na sua trajetória acadarom-se estos espaços nos que as relaçons interpessoais nom estam mediadas polas lógicas de consumo.

Propiciou-se a reflexom política, gerando atividades solidárias e sendo altavoz de reivindicaçons que non tenhen lugar nem voz dentro dos cauces institucionais.

Este espaço de luita pola transformaçom social foi brutalmente despejado polo concelho da Corunha em Maio de 2018.

Quase 4 anos despois, o edifício segue sem uso, tapiado e baleiro.

7 pessoas enfrontam-se a um processo judicial derivado do despejo e das protestas posteriores. Juízo enmarcado pola lei mordaça e com petiçons que suman mais de 30 anos de prisom e 25.000€. Como nom, o relato policial é desproporcionado, cheio de mentiras e exageraçons para encobrir a sua própria violência.

A Insumisa somos todas!

Contra a repressom, solidariedade

 

Apresentaçom em Alhariz dos livros “Transumano mon amour” com Andrea Mazzola, o autor

O próximo sábado 12 de fevereiro às 19:00h organizamos em Alhariz umha palestra sobre os livros “Transumano mon amour” a cargo do seu autor, Andrea Mazzola. Será no CSA Cambalhota, caminho do castelo nº10.

Os livros, editados polo jornal Mapa, recolhem umha escolma de textos publicados no próprio jornal. Pretendem esboçar, analisar e cartografar o que é o movimento transumanista, umha organizaçom que tem como objetivo ultrapassar por meio da ciência e a tecnologia os limites da condiçom biológica do ser humano, assim como a sua implicaçom nessa estratégia dos Estados que tende a fundir guerras com intervençons humanitárias e crises sanitárias com emergências militares.

Na atividade poremos um posto de livros à venda. Se nom podes vir a atividade e queres o teu exemplar, podes pedir o teu escrevendo a ardora@bastardi.net 

Mais informaçom dos livros aqui: https://ardoraeditora.info/transumano-mon-amour/

Agenda 2022

Agenda 2022. Feita artesanalmente.

Desta volta, a agenda pretende contribuir à creaçom dum botiquim pessoal e comunitário em prol da autogestiom da saúde.

Compartimos convosco saberes cultivados em torna-jeira sobre di-versas ervas mencinheiras e um conto em mao comúm co que deixar-se levar.

Informaçom sobre ervas medicinais extraida do livro:
Maria Bagaria Frá (2019).
Remedios da nosa horta medicinal. Ed. Baía Verde.

Impressa e editada por Ardora, (s)ediçons anarquistas.

Para conseguir umha, por encargo a través de ardora@bastardi.net

Preço: 10 euros

Apresentaçom em Compostela de “Um país a la gallega”

O próximo 24 de setembro apresentara-se o livro Um país a la gallega de Beatriz Busto Miramontes. Junto com a editora do livro Através organizamos este acto que contará com a presença da  autora e da editora. Ademais terá lugar umha projeçom comentada do NO-DO.

A atividade começará às 19:30h e terá lugar na Casa Obreira em Compostela, na finca de velasco, travesa do sar a rúa do sar, rua de clara campoamor. O lado da nova estaçom de autocarros.

UM PAÍS A LA GALLEGA. GALIZA NO NO-DO FRANQUISTA

“Beatriz Busto mostra o difícil que é destrinçar o legado coletivo, quando ele vem presidido por elaborações e se esquece que ele é construção. O legado que lateja por todo este elucidador trabalho sobre o NO-DO como porta giratória da complexa realidade comunitária é o do respeito e o do entranhamento vital. Um trabalho que é um alerta, difícil, mui difícil de praticar, certamente, sobre como hoje estamos construindo o nosso presente e sobre as propostas e imposições em jogo.” Elias J. Torres Feijó (Grupo Galabra – USC)

 

Áudio da apresentaçom do livro “Anarquistas de ultramar. Anarquismo indigenismo, descolonización”.

Áudio de Carlos Taibo apresentando o seu livro “Anarquistas de ultramar. Anarquismo indigenismo, descolonización” na Gentalha do Pichel.

Ideias como as de autogestom, democrácia direta e apoio mútuo forom defendidas tanto polo anarquismo que viu a luz na Europa do século XIX como por moitos povos indígenas que espontaneamente as levarom à prática desde tempo inmemorial. Este livro estuda a relaçom entre esses dous mundos, e o fai com a vontade de alentar, em paralelo, umha definitiva descolonizaçom do próprio pensamento anarquista. Serve como introduçom, também, à realidade, comummente esquecida, dos anarquismos que adquirirom carta de natureza na América, África, Ásia e Oceania.

 

Vídeo da apresentaçom do livro “La locura rev(b)elada”

Vídeo feito por companheiras de cooperativa Xarda da palestra com Miguel Salas Soneira e M. Carmen Morán de Castro arredor do seu livro “La locura rev(b)elada”.

A Loucura Rev/belada soma-se à luita por construir umha saúde mental coletiva que reconheça a voz das pessoas afetadas polo sofrimento psíquico. A partir de sete histórias de vida, os relatos que apresenta articulam-se com umha proposta pedagógica e o propósito de resgatar, desde umha perspetiva crítica com o modelo biomédico, diferentes estratégias que nos permitam seguir pensando como auto/gerir o mal-estar.