Etiqueta: galiza

Anarquismo e organización: apuntes para o territorio galego

Publicaçom feita a tralo primeiro ciclo de seminários do SELG adicados à temática “Anarquismo e organización”. Nela recompilam-se os textos aportados polas distintas vozes que participarom e algumhas colaboraçons externas.

PVP: 12€

Índice:

 

Editorial

Orixes e definición do Anarquismo

  • Anarquismo, unha definición. Dani Palleiro (SELG)

O anarquismo na Galiza

  • Anarquismo e organización no movemento obreiro galego. Eliseo Fernández
  • As mulleres no movemento obreiro da Coruña. Ana Romero Masiá e Eva Loureiro
  • Unha ollada ó pasado recente de coordinación libertaria en Galiza.  Brais Cebrián Gorozarri
  • Suprema lei d’Estetica.  Helena Salgueiro (SELG)

Qué facer? Anarquismo e estratexia

  • Propostas para o avance do anarcosindicalismo actual Jose Luis Carretero (Solidariedade Obreira)
  • Repensar a relación entre o traballo e a emerxencia climática alén dos “traballos verdes”. Luis Gonzalez Reyes
  • Dinámica de debate ‘Organizando a Resistencia II: Sindicalismo Social e Libertario’ . Inés Merayo Fernández(SELG)
  • Anarcosindicalismo e movementos sociais. Miguel G. Gómez (Embat)
  • Poder popular e anarquismo especifista. Ideas para crear a revolución próxima. Miguel Brea (Liza)
  • Anarquismo de barrio. Unha tese superadora. Ruymán Rodríguez

Editorial do livro:

As ideas socialistas libertarias tiveron na Galiza un fértil campo de expansión dende que no último terzo do século XIX chegaran ao país algúns delegados da vertente bakuninista da I Internacional. A corrente antiautoritaria do socialismo internacionalista prendeu ben nun pobo que á altura atopábase nun proceso de proletarización, e nun país onde os principios da autoxestión, o apoio mutuo e o colectivismo tiñan unha fonda raigame.

Dende entón, e por sete décadas, o anarquismo organizado disputouse co marxismo a hexemonía dun movemento obreiro galego en continua expansión. Un tirapuxa que só se decantou do lado do socialismo autoritario a partir dos anos 50 do século XX. A puxanza das anarquistas galegas tivo causa e efecto no desenvolvemento dunha vizosa rede de organizacións e institucións autónomas nos eidos sindical e social, económico e cultural, que xerou unha verdadeira esfera pública libertaria e socializou a enormes capas da poboación nos principios e nas prácticas anarquistas. Un proceso de acumulación de poder popular que tan só puido ser revertido por medio do xenocidio emprendido polo exército español en xuño de 1936.

Pese á rutura deste fío histórico, hoxe son moitas as persoas, e algunhas as organizacións, que no país se identifícan coa tradición e os principios do socialismo libertario. Porén, faltan os espazos de encontro e reflexión colectiva acerca desta tradición, dos seus obxectivos e estratexias, das súas ferramentas de loita e da súa vixencia e aplicabilidade ao momento presente.

É diante desta carencia que o colectivo Refuxios da Memoria e as editoriais Ardora e Bastiana lanzamos a comezos deste ano a iniciativa do Seminario de Estudos Libertarios Galegos (SELG), un proxecto de autoformación colectiva co que analizar as ideas e os principios anarquistas, as historias de loita e as estratexias pasadas e presentes dun movemento libertario en continua trans-formación. E quixémolo facer co foco posto na Galiza.

O tema que vertebrou esta primeira edición do SELG (2024) foi “Anarquismo e organización”, o cal desenvolvimos ao longo de catro sesións. A primeira delas, celebrada o 24 de febreiro, tratou de establecer os conceptos básicos do Socialismo Libertario, así como a evolución destas ideas no país. Contamos para iso coa participación das historiadoras Dolors Marín e Eliseo Fernández. Completamos a sesión cunha mesa redonda na que as militantes anarquistas Eva Loureiro, Carla Abelha, Airis McKirdy e Paco Ascón analizaron a Galiza actual dende unha perspectiva libertaria.

O 6 de abril tivo lugar a segunda sesión, centrada no anarcosindicalismo. Par-timos para isto da historia das mulleres no movemento obreiro coruñés, para que contamos coas historiadoras Ana Romero e Eva Loureiro. Abordamos tamén a cuestión do ecosindicalismo con Begoña de Bernardo e Luis G. Reyes, e fixemos unha análise do estado actual do anarcosindicalismo na Península Ibé-rica da man de Jose Luís Carretero. Para pechar esta segunda sesión, e enlazar coa seguinte, o secretario xeral da CNT catalá, Miguel G. Gómez, analizou as relacións de colaboración entre o anarcosindicalismo e os movementos sociais en termos históricos e contemporáneo

A terceira sesión centrouse nos modelos e experiencias organizativas do sin-

dicalismo social libertario na Península Ibérica. Partindo da hipótese de que os movementos sociais carentes dunha cohesión teórica e un horizonte revolucio-nario rematan por esgotarse na impotencia, ou abocándose a vías asistencia-listas ou reformistas, cando non autoritarias, plantexamos un debate sobre o activismo social e os seus límites. Neste debate, que patiu da experiencia prácti-ca de mulleres dos movementos sociais galegos, participaron as activistas polo dereito á vivenda, María Díaz, dos Grupos de Apoio Mutuo, Antía Roig, e das plataformas en defensa da terra, Coral. Contamos tamén con Itziar e Paula, do movemento pola vivenda de Barcelona, que nos falaron da autoorganización veciñal nos sindicatos de barrio. Analizamos tamén, xunto ás compañeiras de Liza, o dualismo organizativo e a estratexia do poder popular como modelo para a acción social anarquista. Pechamos a sesión cunha dinámica na que tra-tamos de dar resposta colectiva á pregunta ¿Qué facer dende o ámbito libertario galego?

A derradeira sesión desta primeira edición do SELG celebrámola o 20 de xullo baixo o título “Sementes de emancipación: Galiza, territorio, movimentos” e contamos con Antom Santos que fixo un repaso das prácticas comunitarias na Galiza de onte e de hoxe. Logo pola tarde rematamos conversando sobre que o presente e futuro do anarquismo galego na dinámica: coñecermos o territorio, pensar a Galiza libertaria.

Tódas as sesións desta primeira edición do SELG foron celebradas no CS A Revolteira, no barrio da Falperra, na Coruña. Pero o noso é un proxecto de país e unha proposta de autoformación descentralizada. É por iso que fixemos un chamado a tódalas anarquistas do país e persoas con interese nas ideas liberta-rias para atoparnos e pensarmos xuntas cómo agromar un movemento liberta-rio forte, aberto e plural, pero tamén con capacidade de artellar unha resposta colectiva ao sistema capitalista. Así dende o comezo deste proceso convidamos a tódalas militantes anarquistas do país a crear Grupos de Autoformación Li-bertaria (GAL) nas súas vilas. O obxectivo destes grupos é desenvolver liñas de debate e reflexións propias e aterradas no eido local a partir dos materiais producidos nas distintas sesións do SELG. Para facilitar o xurdimento destes grupos ao longo do país, os contidos de todas as palestras e mesas redondas foron recollidos en relatorios que, xunto con algunhas lecturas propostas polas poñentes das palestras e polo grupo de coordinación do SELG, foron pendura-das no sitio web www.selg.gal. Alí figuran tamén algúns recursos metodolóxi-cos para facilitar a posta en marcha de novos grupos de autoformación, que se sumen aos xa activos en Compostela, Ourense, A Coruña, Pontevedra e Terra de Montes.

Neste primeiro número da publicación do SELG, que presentamos na III Feira do Libro Anarquista da Coruña, recollemos algúns artigos elaborados a partir das poñencias desta primeira edición da SELG, acompañadas doutros artigos de reflexións e debate emanados dos grupos de autoformación libertaria e outras colaboracións.

III Feira do livro anarquista da Corunha

Os próximos 13, 14 e 15 de setembro terá lugar a III Feira do Livro Anarquista da Corunha, organizada polos colectivos Refuxios da Memoria, a editora libertaria da Coruña Bastiana, Ardora (s)ediçons anarquistas e o Seminario de Estudos Libertarios Galegos(SELG). Celebrara-se no bairro do Orzán.

O encontro contará cun mercado de livros na rua Boquete de Santo André desde as 11.00 até as 21.00 horas. Mais de trinta editoriais e coletivos achegaram as suas novidades e reflexions a través de presentacións, mesas redondas, palestras e obradoiros.

Programación FLAC

Sexta feira, 13 de setembro

18:00. Presentaçom das exposiçons da FLAC 2024. Sol Mariño e Mireia Torralba (Ateneu Llibertari de Gràcia) (Macondo)

20’00. Roteiro: A Coruña anticlerical e librepensadora. Saida desde o cemiterio de santo Amaro

Sábado, 14 de setembro

11’30. Diego Ameixeiras: Un anarquista (Circo de Artesáns)

13’00. Homenaxe a Carlos Peregrín Otero (1930-2024)

13’10. Victor Oia e Eliseo Fernández: Pulso de Galicia (Bastiana) (Circo de Artesáns)

14’00. Homenaxe a Arturo García Lagares, no seu stolpersteine, diante do Circo de Artesáns (Carmen Rodeja, ARMH e Gemma Guitián, bisneta)

16’00. Xentes de Baladre: 40 años no son nada: Baladre desde 1982 sembrando comunidad (Siglo)

16’30. Fernando Pérez e Dani Palleiro: Colección Vermello, Clásicos do Socialismo Libertario (Bastiana) (Siglo)

17’00. La Colmena: Pasar a la ilustracción (Edicions Malcriàs) (Tio Ovidio)

18’00. Sergio Izquierdo e Alex: Y llegó la tormenta (Reino de Cordelia) (Circo de Artesáns)

19’00. Manel Cráneo, Manolo L. Poy e Xavier Alcalá: Carne para cans, a revolución do galego Soto (Demo Editorial) (Circo de Artesáns)

20’00. Regeneración e Teima: Proxecto xornalístico e editorial do anarquismo especifista (Cova Céltica)

20’30: Revista do Seminario de Estudos Libertarios Galegos (Cova Céltica)

21’30: Festa (Discoteca do Circo de Artesáns)

Domingo, 15 de setembro

12’00. Lurdes Martínez: Recorriendo la ciudad amnésica. Sobre el carácter revolucionario, o no, del vagabundeo en la ciudad postindustrial (La Torre Magnética) (Circo de Artesáns)

12’30. Lívio: Poder Popular e Organización Anarquista no século XXI (obradoiro a cargo da Organizaçao Socialista Libertária de Brasil) (Circo de Artesáns)

13’30: Mário Rui: Louise Michel, De luto em luta (Barricada de Livros) (Circo de Artesáns)

16’00. SUTSO de Pontevedra (CGT): Semanario anarcosindicalista de información e debate La Campana (1980-2024) (Circo de Artesáns)

17’00. Aarón L. Rivas: Novas da Galiza: duas décadas de informaçom crítica e ativismo (Circo de Artesáns)

18:00. Iria Presa: Plumazos de Ricardo Mella (Bastiana) (Circo de Artesáns)

19:00. Rubén Constenla (CNT-AIT): As multinacionais deseñando a FP. Naturgy e o módulo de Sustentabilidade (Circo de Artesáns)

20:00. Denise Stolnik: Eu Livro [Performance] (Circo de Artesáns)

 

Ludoteca

Horario da Ludoteca: Sábado e Domingo de 12 a 14 e de 16 a 20

Actividades programadas:

Sábado 14: 

  • 12’30. Contacontos A Nena Lectora

  • 17’00. Obradoiro de marcapáxinas rebeldes

Domingo 15: 

  • 12’30. Cantacontos, con Laura Rey, Silvia Penide e Natalia Navaza [con linguaxe de signos]

 

Exposicións

Nuas, nosso estranho amor

Sol Mariño

Café de Macondo (R/ Santo André, 106)

13 de setembro a 2 de outubro

 

Galería de personajes sin lustre y otros entuertos

Paco Garabato

Café Tio Ovidio (R/Orzán, 89)

13 a 30 de setembro

 

Ravachol

Álex Rozados

Bar 13 (R/Orzán 115)

13 a 30 de setembro

Seminario de Estudos Libertários Galegos

Difundimos a iniciativa e convocatórias da SELG, animade-vos a participar!:

⚡️ Hoxe queremos presentarvos o Seminario de Estudos Libertarios Galegos (SELG)

🖤 Un proxecto de autoformación colectiva co que queremos achegar á Galiza algúns dos debates estratéxicos do anarquismo internacional

📚 Unhas xornadas que cada ano estarán adicadas a un tema de análise, que despregaremos ao longo de todo o curso

🗓 A primeira edición do SELG terá como tema central “Anarquismo e Organización”, e celebraráse en catro sesións ao longo de todo o curso, comezando o sábado 24 de febreiro

Seminario de Estudos Libertarios Galegos

O Seminario de Estudos Libertarios Galegos (SELG) é unha iniciativa do colectivo Refuxios da Memoria, que nace coa intención de xerar na Galiza un espazo de reflexión, debate e aprendizaxe colectiva arredor das ideas, historia e estratexias do Socialismo Libertario.

Para que un Seminario?

As ideas socialistas libertarias tiveron na Galiza un fértil campo de expansión dende que no último terzo do século XIX chegaran ao país algúns delegados da vertente bakuninista da I Internacional. A corrente antiautoritaria do socialismo internacionalista prendeu ben nun pobo que á altura atopábase nun proceso de proletarización, e nun país onde os principios da autoxestión, o apoio mutuo e o colectivismo tiñan unha fonda raizame.

Dende entón, e por sete décadas, o anarquismo organizado disputouse co marxismo a hexemonía dun movemento obreiro galego en continua expansión. Un tirapuxa que só se decantou do lado do socialismo autoritario a partir dos anos 50 do século XX. A puxanza das anarquistas galegas tivo causa e efecto no desenvolvemento dunha vizosa rede de organizacións e institucións autónomas nos eidos sindical e social, económico e cultural, que xerou unha verdadeira esfera pública libertaria, e socializou a enormes capas da poboación nos principios e nas prácticas anarquistas. Un proceso de acumulación de poder popular que tan só puido ser revertido por medio do xenocidio emprendido polo exército español en xuño de 1936.

Pese á ruptura do fío desta tradición, hoxe en día son moitas as persoas, e algunhas as organizacións, que no país identifícanse coa tradición e os principios do socialismo libertario. Porén, faltan os espazos de encontro e reflexión colectiva acerca desta tradición, dos seus principios e estratexias, das súas ferramentas de loita e da súa vixencia e aplicabilidade ao momento presente. Co SELG queremos convidar ás anarquistas do país, e ás galegas que teñan curiosidade polas ideas libertarias, a atoparnos e debater sobre esta tradición, coa vista posta no presente e o futuro do país.

Como se vai desenvolver?

Cada ano elixiremos un tema de reflexión que despregaremos ao longo de todo o curso, celebrando sesións bimestrais do SELG. Cada unha destas sesión estará enfocada a un eixo de debate diferente, sobre o que traballaremos ao longo dunha xornada na que nos acompañarán militantes, investigadoras e representantes de organizacións libertarias galegas e ibéricas que nos achegarán as súas ideas e experiencias sobre a cuestión.

Os contidos de todas estas palestras e mesas redondas serán recollidos en relatorios, que compartiremos en aberto a través na nosa páxina web. Estes relatorios, xunto con algunhas lecturas propostas polas poñentes das palestras e polo grupo de coordinación da SELG, servirán como base para desenvolver debates locais, a través dos Grupos de Autoformación Libertaria (GAL) que xurdan ao longo do país.

Cando e onde?

O tema de reflexión para esta primeira edición do SELG (2024) será
“Anarquismo e organización”
, dividíndose en catro sesións:

Sábado 24 de febreiro*:
O Socialismo Libertario na Galiza
.

Sábado 6 de abril*:
Organizando a resistencia I: Anarcosindicalismo.

Sábado 18 de maio*:
Organizando a resistencia II: modelos e experiencias organizativas
do Sindicalismo Social Libertario na Península Ibérica.

Sábado 20 de xullo*:
Sementes de emancipación I:
Movemento libertario, autogoberno e territorio.

Todas as sesións do SELG celebraranse en A Revolteira, na Rúa Falperra, 13, na cidade
da Coruña.

A primeira edición da SELG rematará na Feira do Libro Anarquista da Coruña (FLAC), que se celebrará na fin de semana do 14 e 15 de setembro, coa presentación dunha publicación coas conclusións acadadas ao longo desta primeira edición e co anuncio do tema de reflexión da SELG 2024/25.

Como participar?

Calquera persoa interesada nas xornadas do Seminario pode acudir sen necesidade de inscrición previa. Así e todo, agradecemos nolo comuniquen previamente escribindo ao enderezo flac@refuxiosdamemoria.org 

En paralelo ao inicio do SELG poremos en marcha o Grupo de Autoformación Libertaria da Coruña (GALAC). Este celebrará sesións dous xoves ao mes, coa intención de desenvolver unha reflexión propia e aterrada no eido local e nacional, e sacar conclusións deste debate de ideas. O Grupo estará aberto a tódalas persoas que teñan interese na historia, o presente e o futuro do movemento libertario galego.

Os contidos das diferentes palestras poderán consultarse na nosa web, www.selg.gal , de modo que en calquera vila do país onde haxa un grupo de persoas que compartan o interese polas ideas libertarias, se poida crear un Grupo de Autoformación local.

Apresentaçom em Compostela de “Um país a la gallega”

O próximo 24 de setembro apresentara-se o livro Um país a la gallega de Beatriz Busto Miramontes. Junto com a editora do livro Através organizamos este acto que contará com a presença da  autora e da editora. Ademais terá lugar umha projeçom comentada do NO-DO.

A atividade começará às 19:30h e terá lugar na Casa Obreira em Compostela, na finca de velasco, travesa do sar a rúa do sar, rua de clara campoamor. O lado da nova estaçom de autocarros.

UM PAÍS A LA GALLEGA. GALIZA NO NO-DO FRANQUISTA

“Beatriz Busto mostra o difícil que é destrinçar o legado coletivo, quando ele vem presidido por elaborações e se esquece que ele é construção. O legado que lateja por todo este elucidador trabalho sobre o NO-DO como porta giratória da complexa realidade comunitária é o do respeito e o do entranhamento vital. Um trabalho que é um alerta, difícil, mui difícil de praticar, certamente, sobre como hoje estamos construindo o nosso presente e sobre as propostas e imposições em jogo.” Elias J. Torres Feijó (Grupo Galabra – USC)

 

Nordês nº17

Nesta entrega os artigos: Umha viagem sem retorno a nossa completa liberdade e dignidade. O que acontece na lama?. De escravas a companheiras, o primeiro manifesto das libertárias galegas. Jornada de reflexom. Lendo ‘Anarquistas y libertárias, aquí y ahora’.

 

Animamos a fotocopiar e difundir

Descarga:

· Nordês nº17.

Mancomunidade. Uma terra livre sem estado

“Mancomunidade. Uma terra livre sem estado”, de Joám Evans Pim

O livro recolhe “uma proposta libertária fundamentada numa organização comunal do território”. Como o próprio autor desenvolve som “retalhos de uma obra coletiva que está ainda por fazer. Uma constelação de ideias, histórias e desejos que apontam para um jeito distinto de entender uma terra livre.” Dividido em três seçons principais, o livro achega primeiro a proposta mancomunitária como organizaçom política e territorial e a sua aplicabilidade para o caso galego. No segundo capítulo o autor centra a atençom nos antecedentes em relaçom às comunidades que na Galiza se estruturárom em paralelo ou de costas ao estado, assim como das ideias elaboradas ao respeito para, por último, elaborar umha síntese que explique o sentido da Galiza sem estado. O prólogo escreve-o Lara Barros, ativista vinculada ao sindicalismo agrário, historiadora e especialista em montes vizinhais, quem acha o livro como “um exercício de liberdade de pensamento”, “sustentado numa liberdade de ação que lhe dá um alto conhecimento de causa”. O seu autor, Joám Evans Pim, é labrego e comuneiro nos montes de Lousame. Também é doutor em antropologia, membro do coletivo Véspera de Nada e da Academia Galega da Língua Portuguesa. Esta faceta multidisciplinar reflete numha temática e numha narrativa que fai com que este livro seja um lançamento novidoso no panorama editorial e político galego. Umha proposta com os antecedentes e movimentos sociopolíticos da Galiza presentes, e com a cabeça e as maos num futuro imaginado e, por isso, possível. Mancomunidade é um livro que ajuda a pensar futuros alternativos, que imagina umha Galiza mais justa, sem estado ou contra o estado.

FICHA TÉCNICA

Mancomunidade: Uma terra livre sem estado

Joám Evans Pim

Ardora (s)ediçons anarquistas

Impresso em Compostela por Sacauntos Cooperativa Gráfica

Agosto, 2019

8 euros

ISBN: 978-84-120648-4-1

 

Encontro anarquista do livro em Compostela

Encontro do Livro Anarquista em Compostela 🏴🔥

O que é? 📚✊
-Um espaço autogestionado arredor do livro
-Umha oportunidade para encontrar-nos, conhecer-nos e para estabelecer relaçons com coletivos, individualidades, projetos políticos e culturais, movimentos sociais…
-Umha proposta para ler, escuitar e debater sobre o anarquismo e o movimento libertário e anti-autoritário

Onde?
-As apresentaçons, obradoiros, debates, projeçons ou postos de distris serám no @CSOAoaturuxodasmarias (com possibilidade de ampliar a outros espaços)

Quando?
-Em maio, sexta-feira 10, sábado 11 e domingo 12

Quem?
-O Encontro Anarquista do Livro é organizado por Ardora sediçons anarquistas, @CSOAoaturuxodasmarias e individualidades

Programaçom:

Dia 10

16:00h Obradoiro de masculinidades*
18:00h Obradoiro de defesa informática
20:00h Apresentaçom do documentário: Redes contra a política do espólio e faladoiro sobre conflitos ambientais na Galiza com pessoas implicadas
22:00h Ceador
22:30h «Sombras», do Grupo de Teatro Faísca

Dia 11

10:00h Apresentaçom do documentário Tot Inclós. Danos e consequências do turismo
12:00h Experiências de okupaçom em Portugal
14:00h Títeres de Guinhol: «A fiera risueña»
15:00h Jantar solidário com xs encausadxs do Escárnio e Insumisa
16:00h Obradoiro de Teatro da Oprimida para mulheres*
16:00h Obradoiro: “Fáztelo”, auto-ediçom de fanzines por: Ké animal es ese gato
18:00h Fissuras no anarquismo. Erros na gestom da saúde mental de companheirxs
20:00h Venezuela: entre naufrágios e fake news
22:00h Ceador

Dia 12

12:00h Apresentaçom das publicaçons anarquistas Kalinov Most e Infamia
14:00h Jantar
16:00h Obradoiro de twerking para mulheres*
17:00h Umha olhada sobre as prisons e atualidade da loita anti-carcerária 
19:00h Moabi, Teatro penitenciário 
20:00h Ceador
20:30h Concertos: Tenue, Sapoconcho sem Poncho e grupo por confirmar

Feira de livros durante todo o encontro
*É importante inscrever-se nos obradoiros de “Masculinidades”, “Teatro da Oprimida” e “Twerking” para assitir.

Inscrever-se em: encontrocompostela@riseup.net ou no facebook