Esta sexta feira, 2 de fevereiro, estaremos na casa do taberneiro acompanhando ao Leo na presentaçom do seu novo livro “Libre de libro”.
Terá lugar na Casa do taberneiro, em Compostela. Rúa de San Pedro, 15, a patir das 20h.
Etiqueta: livro
Apresentaçom em Alhariz dos livros “Transumano mon amour” com Andrea Mazzola, o autor
O próximo sábado 12 de fevereiro às 19:00h organizamos em Alhariz umha palestra sobre os livros “Transumano mon amour” a cargo do seu autor, Andrea Mazzola. Será no CSA Cambalhota, caminho do castelo nº10.
Os livros, editados polo jornal Mapa, recolhem umha escolma de textos publicados no próprio jornal. Pretendem esboçar, analisar e cartografar o que é o movimento transumanista, umha organizaçom que tem como objetivo ultrapassar por meio da ciência e a tecnologia os limites da condiçom biológica do ser humano, assim como a sua implicaçom nessa estratégia dos Estados que tende a fundir guerras com intervençons humanitárias e crises sanitárias com emergências militares.
Na atividade poremos um posto de livros à venda. Se nom podes vir a atividade e queres o teu exemplar, podes pedir o teu escrevendo a ardora@bastardi.net
Mais informaçom dos livros aqui: https://ardoraeditora.info/transumano-mon-amour/
Vídeo da apresentaçom do livro “La locura rev(b)elada”
Vídeo feito por companheiras de cooperativa Xarda da palestra com Miguel Salas Soneira e M. Carmen Morán de Castro arredor do seu livro “La locura rev(b)elada”.
A Loucura Rev/belada soma-se à luita por construir umha saúde mental coletiva que reconheça a voz das pessoas afetadas polo sofrimento psíquico. A partir de sete histórias de vida, os relatos que apresenta articulam-se com umha proposta pedagógica e o propósito de resgatar, desde umha perspetiva crítica com o modelo biomédico, diferentes estratégias que nos permitam seguir pensando como auto/gerir o mal-estar.
[CANCELADO]Apresentaçom do livro «Transumano mon amour» em Compostela
O próximo sábado 17 de outubro, às 20:00h, terá lugar a apresentaçom do livro «Transumano mon amour» com o autor, Andrea Mazzola, e o editor. Será na Gentalha do pichel, em Compostela, na rua santa clara, 21. O aforo máximo vai ser de 20 pessoas polo que quem queira pode reservar enviando um correio a ardora@bastardi.net. Também haverá bancas com livros.
O livro pretende esboçar, analisar e cartografar o que é o movimento transumanista, umha organizaçom que tem como objetivo ultrapassar por meio da ciência e a tecnologia os limites da condiçom biológica do ser humano, assim como a sua implicaçom nessa estratégia dos Estados que tende a fundir guerras com intervençons humanitárias e crises sanitárias com emergências militares.
O jornal Mapa é quem edita o livro com a colaboraçom de A Batalha, Barricada de livros, BOESG, Centro de Cultura Libertária, Maldatesta, Tortuga e Ardora (s)ediçons anarquistas.
Também havera apresentaçons o 15 e 16 noutros lugares como Coimbra ou Porto. 
Nordês nº19
Nesta entrega varios textos em torno ao tema do coronavirus: Do controlo social ao controlo mental. Refém. Prisom em estado de alarma. Exércitos nas ruas.
Nordês nº15
Já está para descargar o número 15 do periódico Nordês. Umha colaboraçom entre Colapso Zines e Ardora (s)ediçons anarquistas.
Nesta entrega os artigos: Picnic em Biarritz. Sobre a queima e o genocídio na Amazónia. Greve de fame rotativa. E também umha resenha do novo livro editado por Ardora: «Mancomunidade, uma terra livre sem estado» de Joám Evans Pim.
Animamos a fotocopiar e difundir
Descarga:
Mancomunidade. Uma terra livre sem estado
“Mancomunidade. Uma terra livre sem estado”, de Joám Evans Pim
O livro recolhe “uma proposta libertária fundamentada numa organização comunal do território”. Como o próprio autor desenvolve som “retalhos de uma obra coletiva que está ainda por fazer. Uma constelação de ideias, histórias e desejos que apontam para um jeito distinto de entender uma terra livre.” Dividido em três seçons principais, o livro achega primeiro a proposta mancomunitária como organizaçom política e territorial e a sua aplicabilidade para o caso galego. No segundo capítulo o autor centra a atençom nos antecedentes em relaçom às comunidades que na Galiza se estruturárom em paralelo ou de costas ao estado, assim como das ideias elaboradas ao respeito para, por último, elaborar umha síntese que explique o sentido da Galiza sem estado. O prólogo escreve-o Lara Barros, ativista vinculada ao sindicalismo agrário, historiadora e especialista em montes vizinhais, quem acha o livro como “um exercício de liberdade de pensamento”, “sustentado numa liberdade de ação que lhe dá um alto conhecimento de causa”. O seu autor, Joám Evans Pim, é labrego e comuneiro nos montes de Lousame. Também é doutor em antropologia, membro do coletivo Véspera de Nada e da Academia Galega da Língua Portuguesa. Esta faceta multidisciplinar reflete numha temática e numha narrativa que fai com que este livro seja um lançamento novidoso no panorama editorial e político galego. Umha proposta com os antecedentes e movimentos sociopolíticos da Galiza presentes, e com a cabeça e as maos num futuro imaginado e, por isso, possível. Mancomunidade é um livro que ajuda a pensar futuros alternativos, que imagina umha Galiza mais justa, sem estado ou contra o estado.
FICHA TÉCNICA
Mancomunidade: Uma terra livre sem estado
Joám Evans Pim
Ardora (s)ediçons anarquistas
Impresso em Compostela por Sacauntos Cooperativa Gráfica
Agosto, 2019
8 euros
ISBN: 978-84-120648-4-1